Florealis býður upp á úrval skráðra jurtalyfja og lækningavara sem byggja á virkum náttúruefnum. Við styðjum við meðhöndlun sjúkdóma á borð við kvíða, svefntruflanir og vægar þvagfærasýkingar. Allt eru þetta algengir sjúkdómar sem skorta fjölbreyttari meðferðarúrræði.
Vörur Florealis eru fáanlegar í öllum apótekum á Íslandi og fjölmörgum apótekum í Svíþjóð. Allar vörur frá Florealis eru skráðar og viðurkenndar hjá lyfjayfirvöldum á öllum Norðurlöndunum.
Áreiðanleiki, eldmóður, hugrekki og samvinna eru þau gildi sem við höfum að leiðarljósi dag hvern. Gildin okkar tryggja árangursrík og traust samskipti við viðskiptavini og hagsmunaaðila. Þau leggja grunn að okkar stefnu og árangri og endurspeglast í vörum okkar og vinnu.
Florealis var stofnað árið 2013 af Kolbrúnu Hrafnkelsdóttur og reynslumiklum stjórnendum úr lyfjaiðnaðinum. Stofnendurnir hafa áratuga reynslu af þróun og markaðssetningu lyfja sem hefur reynst Florealis ómetanlegt.
Stjórnendateymi Florealis samanstendur af reynslumiklum einstaklingum með fjölbreyttan bakgrunn á sviði vísinda og viðskipta. Við höfum ástríðu fyrir því að þróa fjölbreytt úrval af hágæða jurtalyfjum og lækningavörum.
Stjórn Florealis samanstendur af einstaklingum með mikla þekkingu á lyfjaiðnaðinum og rekstri fyrirtækja. Stjórnarformaður Florealis er Guðbjörg Edda Eggertsdóttir, fyrrverandi forstjóri Actavis á Íslandi.
Reynsla teymisins á sviði lyfja- og heilbrigðistækni nær yfir alla þætti ferilsins að koma vöru frá rannsóknarstofunni og út á markað.
Stjórn félagsins er skipuð þaulreyndum aðilum úr lyfjaiðnaði, heilbrigðistækni og fjárfestingum.
Guðbjörg Edda hefur verið stjórnarformaður Florealis frá nóvember 2014. Hún var lengi í framkvæmdastjórn Actavis situr nú í stjórnum fjölmargra fyrirtækja og fjárfestingarsjóða af ýmsum stærðum og gerðum.
Linda Björk hefur setið í stjórn Florealis síðan í maí 2019. Hún er framkvæmdastjóri fjárfestingafélagsins Tennin og annar eigandi Fagkaupa. Hún situr í stjórn fjölmargra fyrirtækja m.a. Fagkaupa, Snjallgagna, Genki og Framvís.
Hrönn hefur setið í stjórn Florealis síðan í ágúst 2022. Hún er framkvæmdastjóri Nýsköpunarsjóðs atvinnulífsins og situr í stjórnum margra fyrirtækja m.a. Kara Connect, Meniga, Icelandia og Klaks.
Kolbrún hefur setið í stjórn Florealis síðan í ágúst 2022. Hún er stofnandi Florealis og var forstjóri félagsins frá stofnun til ársins 2022. Kolbrún hefur víðtæka reynslu af lyfjaþróun, alþjóðlegri viðskiptaþróun, stjórnun og stefnumótun. Hún hefur setið í stjórnum fjölda félaga, samtaka og nefnda, m.a. Viðskiptaráði Íslands, Samtökum sprotafyrirtækja (SSP) og Plaio.