Harpatinum

Harpatinum™ er jurtalyf við vægum lið- og gigtarverkjum svo sem í hnjám, baki, mjöðmum, hálsi og fingrum.

Inniheldur djöflakló sem hefur verið notuð lengi í Evrópu til að lina bólgur og verki í liðum.

 

Versla á netinu

90 mjúk hylki

Jurtalyf sem hefð er fyrir

Lýsing

Harpatinum er lausasölulyf og fæst án lyfseðils í flestum apótekum. Það hentar vel þeim sem eru með langvinna verki vegna slits eða vægrar gigtar. Samfelld notkun jurtalyfsins dregur úr bólgum í liðum og verkjum en auk þess minnkar vöðvastífni og stirðleiki þannig fólk á auðveldara með að hreyfa sig.

Harpatinum™ inniheldur útdrátt úr djöflaklóarrót sem er vel þekkt lækningajurt og er hún skráð í fjölda lyfjaskráa. Jurtalyfið er valkostur fyrir þá sem þola illa bólgueyðandi verkjalyf og fá aukaverkanir í maga sökum þeirra.  Jurtaútdrátturinn inniheldur einnig svokallaða bitrunga sem lina meltingaróþægindi á borð við uppþembu, vindgang og tímabundið lystarleysi.

Harpatinum™ er viðurkennt af Lyfjastofnun sem jurtalyf sem hefð er fyrir. Lyfið þolist almennt vel og hefur einungis fáar þekktar aukaverkanir og þá vægar. Jurtalyfið er í formi mjúkra hylkja sem eru af þeirri stærð og lögun að auðvelt er að gleypa þau.

Harpatinum™ er staðlað með tilliti til virkra efna sem tryggir að neytandinn fær alltaf réttan skammt af jurtalyfinu sem er mjög mikilvægur þáttur þess að tryggja bæði verkun og öryggi jurtalyfsins

Gagnlegar upplýsingar

Ráðlagður skammtur fyrir fullorðna: 2 hylki 2 svar sinnum á dag.

Ekki nota Harpatinum ef þú ert með ofnæmi fyrir jarðhnetum eða soja, eða ert með sár í maga eða þörmum. Ef þú hefur gallsteina eða liðverki samhliða bólgum, roða eða hita, skaltu hafa samband við lækni áður en þú notar Harpatinum. Inniheldur laktósa, sorbitól, sojabaunaolíu og lesitín. Leitaðu til læknis ef þú finnur fyrir aukaverkunum eða ef einkenni eru viðvarandi eða hafa versnað eftir 2ja vikna notkun við vægum meltingartruflunum eða 4 vikna notkun við vægum gigtarverkjum. Hvorki ætlað börnum yngri en 18 ára né þunguðum konum eða konum með barn á brjósti. Geymið þar sem börn hvorki ná til né sjá og við lægra hitastig en 30°C.

Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is

Virk innihaldsefni og virkni

Hvert hylki inniheldur 225 mg af útdrætti úr djöflaklóarrót (Harpagophytum procumbens/zeyheri), sem jafngildir 990-1125 mg af þurrkaðri rót djöflaklóar.