Er útferð eðlileg?

Ég fæ stundum svolitla útferð og mér finnst það óþægilegt, hvernig minnka ég þetta?

Útferð er fullkomlega eðlileg en getur verið mismikil eftir aðstæðum. Útferðin breytist til dæmis yfir tíðarhringinn bæði hvað varðar magn og útlit. Eðlileg útferð er oftast glær eða ljós á litinn og lyktarlaus. Við slíkri útferð þarf ekkert að gera. Ef útferðin fer hinsvegar að verða gulleit eða græn og lyktar illa þá gæti það verið merki um sýkingu. Þunnfljótandi og illa lyktandi útferð er oft merki um bakteríusýkingu í leggöngum en þykk og kekkjótt útferð bendir frekar til sveppasýkingar. Ef grunur er um sýkingu þarf að meðhöndla hana á viðeigandi hátt.

Sýkingum fylgja oftast óþægindi á borð við sviða og kláða meðfram óeðlilegri útferð. Hægt er að nota Rosonia VagiCaps hylkin til að draga úr þessum óþægindum og vinna gegn vægum sýkingum.  Hylkin eru einnig mjög græðandi og hjálpa aumri slímhúð að ná sér. Gott er að setja eitt hylki upp í leggöng fyrir svefn, eins lengi og þurfa þykir.

Meðfram notkun á hylkjunum er gott að nota Rosonia froðuna sem er borin á ytra svæðið ef það er orðið aumt. Froðan kemur í nettum brúsa sem er hristur vel fyrir notkun. Síðan er froðan borin á píkuna og svæðið í kring eftir þörfum. Það kemur strax kælandi tilfinning sem að róar húðina og dregur úr kláða. Ef húðin er mjög viðkvæm þá getur froðan sviðið ögn fyrst en það ætti að líða hjá eftir smá stund.

Píkuvörurnar frá Florealis eru fáanlegar í öllum apótekum, Blush og Sambúðinni.