Góðan daginn, ég upplifi stundum töluverðan sársauka þegar ég stunda kynlíf með manninum mínum. Þetta hefur ekki alltaf verið vandamál en er farið að gerast oftar undanfarið og er farið að hafa áhrif á sambandið. Er eitthvað sem ég get gert til að draga úr þessu?
Það geta verið margar ástæður fyrir því að konur upplifi sársauka þegar þær stunda kynlíf og þá sérstaklega samfarir. Ástæðan er oft sú að undirbúningurinn, eða forleikurinn, hefur ekki verið nægur til að konan blotni nóg. Það er mikilvægt að leggöngin séu orðin vel rök áður en samfarir hefjast til að draga úr sársauka. Það er misjafnt á milli kvenna hversu mikið þær blotna þegar þær stunda kynlíf, allt frá því að vera mjög mikið í að blotna mjög lítið. Þegar kona blotnar lítið getur verið gagnlegt að nota sleipiefni eftir þörfum til að draga úr sársauka og auka ánægju.
Þurrkur í leggöngum er töluvert algengt vandamál og flestar konur upplifa slík tímabil á sinni ævi. Leggangaþurrkur er eitt algengasta einkennið sem konur fá á breytingaskeiðinu og við tíðahvörf. Það er líka algengt hjá konum með barn á brjósti og þeim sem eru á lyfjum við t.d. þunglyndi eða bólum. Þurrkur í leggöngum getur valdið því að konur blotna minna við kynlíf en þær gerðu áður og upplifa þá oft sársauka við samfarir.
Ýmislegt er hægt að gera til að draga úr leggangaþurrki en sem dæmi má nefna Smaronia leggangagelið sem er sérstaklega ætlað til að draga úr þurrki og byggja upp heilbrigða slímhúð. Gelið er notað einu sinni á dag í viku eða lengur eftir þörfum. Smaronia er sérlega gagnleg konum við tíðahvörf og konum sem eru með barn á brjósti. Við mælum með að prófa Smaronia ef leggangaþurrkur er að hrjá þig og nota svo einnig sleipiefni í kynlífinu. Athugaðu að nota ekki Smaronia skömmu áður en kynlíf er stundað ef nota á smokk.
Smaronia og aðrar píkuvörur frá Florealis fást í öllum apótekum, Blush og Sambúðinni
